*******الطاقه النوويه *******
كلنا سمعنا الاسم ده قبل كده – نشره الاخبار امريكا تعرب عن مخاوفها ازاء البرنامج النووى الايرانى
كوريا الشماليه تهدد بضرب امريكا بالاسلحه الباليستيه الحامله لرؤس نوويه
اسرائيل تدرس توجيه ضربه جويه للبرنامج النووى ىالايرانى
مصر تبنى مفاعل نووى للاغراض السلميه فالضبعه بمهندسين ألمان
العراق- سوريا ......
ايه الحكايه ؟؟؟
تعالى نعرف الحكايه
اليورانيوم وهو الماده الخام لكل النشاطات النوويه يستخرج من طبقات قريبه من سطح الارض او من مناجم مخصصه لهذا الغرض
ولكن فالواقع فان الماده الخام المستخرجه من باطن الارض تحتوى نسبه 0.7%من اليورانيوم 235وهى نسبه ضئيله جدا لذلك يتطلب تخصيب اليورانيوم الطبيعى لرفع نسبه اليورانيوم 235 الى 4% فى حاله محطات توليد الطاقه والى 90% فى حاله القنابل النوويه ^___^
طيب ازاى التخصيب ده بيتم ؟؟ بطريقتين
1احضر غاز هكسافلوريد اليورانيوم وامرره على حواجز مساميه (زى السفنجه مثلا^___^) بيكون الناتج من هذه العمليه
غنى باليورانيوم 235 لامتلاكه قدره على النفاذ اعلى من اليورانيوم الطبيعى
بكرر العمليه السابقه على كذا حاجز لحد ما اوصل للتركيز المطلوب
2- فى طريقه تانيه باستخدام اجهزه الطرد المركزى وده بتستخدمه ايران
الفكره هى بوضع اليورانيوم الطبيعى فى حالته الغازيه (هكسافلوريد اليورانيوم ) فى اسطوانه بتدور بسرعه عاليه جدا
فبتنفصل ذرات اليورانيوم 235 الثقيله الى الاطراف بفعل الطرد المركزى وبقيت الذرات الخفيفه فتفضل فالنص
- طيب بعد ما جبنا اليورانيوم وخصبناه ايه اللى بيحصل ؟؟؟
هنا بقى لازم نتكلم بالتفصيل عن كل نوع
1 المفاعلات النوويه
يتكون قلب المفاعل النووى من غرفه مكسوه بطبقه سميكه من حجر الاجر ثم فراغ لمرور مياه التبريد ثم طبقه من الفولاذ سمكها 25 سنتيمتر ثم طبقه اخرى من الخرسانه المسلحه سمكها حوالى 2 متر وذلك لاستيعاب الحراره الهائله الناتجه من الانشطار النووى
-يصب اليورانيوم المخصب فى قوالب على شكل قضبان تدخل المفاعل من فتحات مخصصه لتضرب بحزمه من النيوترونات فيحدث الانشطار النووى وتتولد حراره هائله تسخن بها المياه لتتحول الى بخار يصل درجه حرارته الى 480 درجه وتحت ضغط 380 ضغط جوى
يقوم هذا البخار بتدوير زعانف التوربينات فتتولد الكهربا
ايه بقى الانشطار النووى ده ؟؟
الفكره ان لما تضرب ذره يورانيوم 235 بنيترون الذره بتتكسر (تنشطر ) وتعطى 2نيترون او 3 والتى بدورها تصطدم بذرات يورانيوم اخرى لتحدث سلسله من التفاعلات تسمى الانشطار لذلك لابد ان تكون كميه اليورانيوم كافيه لاستمرار التفاعل بصوره تلقائيه وهو ما يسمى بالكتله الحرجه
تقدر كميه اليورانيوم اللازمه لتشغيل محطه قدرتها 1000 ميجا واط لمده عام بحوالى 30 طن
- يتم التحكم فى التفاعل بادخال قضبان كادميوم فى قلب المفاعل لقدرته على امتصاص النيوترونات الذائده
- يفضل استخدام نظائر اليورايوم كالبلوتونيوم 283 وذلك لميله الى احداث تفاعل انشطارى
- اخر حاجه وهى المخلفات
ان كميه المخلفات الناتجه عن الانشطار النووى صغيره نسبيا نحو 3ملليجرام / كيلو واط ساعه
ولكن هذه الكميه الصغيره قادره على احداث تلوث للبيئه كبير جدا نراه جليا فالتشوهات الجينيه وموت الكائنات الحيه الامر الذى قد يمتد الى عقود
لذلك تواجه الحكومات تحديا فى التخلص من تلك النفايات بدفنها على اعماق سحيقه فى باطن الارض
2 الاسلحه النوويه .. عارف انكم مستنينها ^___^
نفس الفكره تفاعل انشطارى
اليورانيوم يكون مخصب بنسبه 90% وذلك لاحداث تفاعل انشطارى سريع جدا خارج عن السيطره
اليورانيوم ده بيكون مخلوط مع البلوتونيوم238 لزياده الكثافه وسرعه الوصور للكتله الحرجه
ويدمج هذا الخليط مع متفجرات تقليديه لاحداث الشراره الاولى
مع حدوث الانفجار تتولد طاقه حراريه هائله قادره على اذابه كل ما يعترض طريقها بقطر حوالى 7 ميل
تتولد موجه عنيفه جدا من التضاغطات والتخلخلات مما يؤدى الى سحق المبانى والمنشات
اما الضرر الاكبر يكمن فالتلوث الاشعاعى طويل المدى الذى يؤدى الى خلل الجينات الوراثيه واجهاضات وولاده اطفال مشوهين ومعوقين على مدى طويل قد يصل الى عقود
هذا التلوث الاشعاعى ينتقل من مكان الى اخر عن طريق الرياح ومياه الانهار والبحار وايضا المياه الجوفيه
-----علشان كده سموها اسلحه دمار شامل ----
باقى حاجه اخيره
ازاى بحصل على البلوتونيوم238 كنظير لليورانيوم
وذلك من مخلفات الوقود النووى من المفاعلات النوويه حيث ان ذره من كل 1000 ذره يورانيوم 235 تكتسب نيوترون زياده دون ان يحدث لها انشطار
طيب ازاى بفصله ؟؟
باستخدام اجهزه الطرد المركزى اللى اتكلمنا عنها قبل كده
- طيب هى النيترونات اللى بضرب بيها ذرات اليورانيوم دى ليها سرعه معينه ولا اى سرعه والسلام؟؟
لا طبعا لازم يكون ليها سرعه معينه
الفكره انك لو جبت لوح زجاج ورميت عليه طوبه هيتكسر 100 حته
بس لو ضربته برصاصه ايه اللى هيحصل ؟؟
الرصاصه هتحدث ثقب فلوح الزجاج
نفس الفكره لو سرعه النيترونات دى عاليه اوى هتخترق قضبان اليورانيوم (ثقب) ومش هتعمل انشطار
لكن لو سرعتها مناسبه هتعمل انشطار وهستفاد بكل الوقود اللى عندى
- طيب ازاى هبطأ النيترونات دى عشان توصل للسرعه الحرجه ...اكيد باستخدام المجالات المغناطيسيه والكهربيه ..صح؟
طبعا مش صح لان النيترونات دى اجسام متعادله الشحنه يعنى مش هتتاثر سرعتها بالمجالات المغناطيسيه
بس بمررها على حواجز من مواد معينه بكثافه وتخانه معينه بتبطاها شويه
المواد دى والمقاسات بتاعتها تطبيقات سريه شويه مش هتلاقى شرح وافى ليها عالنت ابدا
-اخيرا وليس اخرا
هناك نوع من المفاعلات للاغراض العلميه زى مفاعل سيرن الشهير الذى يمتد تحت الارض مسافه 30كيلومتر بين فرنسا وسويسرا
وفى واحد تانى فمصر ولكن بتكنولوجيا الستينات موجود فانشاص وبتتهرى تصريحات عشان تروح تعمل عليه تجربه
يارب الموضوع يكون عجبكم
وادعولى بقى عشان شكلنا هنروح فداهيه ^___^
-- بقلم م/اسلام :من فريق اعداد صفحه
Grow up your mind / Engineering ^__^
ليست هناك تعليقات:
إرسال تعليق